نجوى إبراهيم تفتح النار على إطلالات الفنانات في “الجونة السينمائي”: «المرأة قدوة والستات في المهن غير حرة»
كتبت : إنتصار أحمد
وجهت الإعلامية القديرة نجوى إبراهيم انتقادات حادة للظهور المتكرر لبعض النجمات بفساتين وصفة بـ “الجرئية” خلال الفعاليات الفنية والمهرجانات، مشيرة إلى أن ظهور المرأة في المجال العام والإعلام يفرض عليها مسؤولية مجتمعية كبيرة كونها قدوة ومثالاً يُحتذى به.
«المرأة هي القدوة».. انتقادات صريحة لإطلالات المهرجانات
وعبر برنامجها “بيت العز” المذاع على إذاعة وقناة “نجوم FM”، أعربت نجوى إبراهيم عن انزعاجها من بعض المشاهد التي ظهرت خلال الآونة الأخيرة في المهرجانات الفنية، قائلة:
“أنا متعصبة من اللي بشوفه الأيام اللي فاتت.. الست هي أقيم شيء في الحياة وهي الأم التي تمنحنا الحياة. يا حبايبي إنتي هتبقي أم، وربنا يديكي الزوج الصالح والأولاد اللي يبقوا فخورين بيكي، والمظهر مهم جداً.”
واستطردت موضحة أن العمل الفني والإعلامي يندرج تحت المهن المقيدة بمسؤولية تجاه الجمهور:
“المهن غير الحرة أنت عملت عقد مع مين عشان يقولك تعمل إيه؟ اقري العقد، ولو قالك اقلعي والبسي كده قولي لأ، أعرضي الأمر على ماما وبابا وخطيبك أو جوزك، بلاش تضغطي عشان تطلعي لابسة فستان ديله يعمل خمس فساتين ومفيش أكمام! زي ما من حقكم تعملوا كده، الإعلام من حقه يقول دا كتير لأن الست هي القدوة.”
رسائل للشباب وتساؤلات عن صورة المرأة في الدراما
وتساءلت «ماما نجوى» عن الأسباب التي أدت إلى ظهور المرأة المصرية في بعض الأعمال الدرامية والمهرجانات بهذه الصورة، مؤكدة احترامها وحبها لجميع زملاء الوسط الفني والإعلامي، لكنها شددت على ضرورة التوعية والنقد البناء:
“إحنا ليه بقى منظر الستات في الدراما والمهرجانات بالشكل دا؟ حتى لو بتروحي الأفراح بالشكل دا بينك وبين نفسك، إنتي في مهن غير حرة ولستِ حرة تماماً في الظهور العام. من حق الجمهور والإعلام يوجه ونقول إن دا زيادة حبتين وقللي شوية.”
وأبدت الإعلامية القديرة استغرابها من استسهال البعض لهذه المظاهر، حريصة على توجيه نصيحة أجيال للشباب والفنانات الصاعدات:
“الشهرة الحقيقية مش في استمرارها الفجائي، بل في استمرار السمعة الحسنة. كلنا بنغلط ونفشل، لكن الحاجة الأساسية خرسانة محترمة تبني عليها ناطحة سحاب. خلو بالكم عشان لما تكبروا وربنا يديكم طولة العمر، متبقيش مخضوضة لو ابنك كبر وقال إيه اللي إنتي عملاه دا يا ماما.”
«الأناقة شيء.. وعدم اللبس اللطيف شيء آخر»
وعن تصاميم الفساتين في المهرجانات، علقت نجوى إبراهيم بأسلوبها المباشر:
“موضوع المهرجانات والجوايز مش محتاج نعمل حاجة عكس المطلوب، كل ما الفستان طول وبقى بديل طويل، القماش بيتحط في الديل.. طيب ما ناخد شوية قماش نحطهم على الكتاف! إيه الفكرة لما أشوف فنانة أشوف كل حاجة؟ الأناقة شيء، وعدم اللبس اللطيف شيء تاني خالص.”
