الطريق البديل

“مصر الطيبة” للشاعر/ محمود عبدالرسول

0 587
( مصر الطيبه )
لازم نتعب نزرع نخلع نصنع
لأجل ما نجنى الخير لولادنا
وعلشان نعلى مصر بلدنا
بلد الخير والطيبة ياطيبة
فيكى حاجه حقيقي غريبه
فيكى شعبك يزرع خير ويحصد طيبة
أما يابلدى حقيقي عجيبة
ورغم الجوع ساكن جواكى
لكن شعبك عايش فيكى
صاين عرضك حامى ارضك
لا والاغرب يزرع يصنع ويعليكى
بلد الخير والطيبة يا طيبة
شعبك قطع عهد
بروحه يفديكى
يا اللى الخير خارج من أرضك
بعرق فلاح صاين عرضك
وحالف ما يمكن عدو يوم فيكى
جيش وشعب خارج من رحمك
يبقى فرض يصونوا عرضك وارضك
ما انتى ام لكل ما فيكى
مينا ومحمد عايشين فيكى
إيد بإيد صاينين أراضيكى
ومهما يحاولو يفرقوا فينا
يلاقونا بركان حامى أراضيكي
أما يابلدى حقيقي جميلة
يا بلد الخير والطيبة ياطيبة .
كلمات. محمود عبدالرسول

اترك رد

لن يتم نشر عنوان بريدك الإلكتروني.